Shefi i Grupit Parlamentar të PDK-së, Abelard Tahiri, duke komentuar deklaratat e kryeministrit Albin Kurti për organizimet dhe planifikimet e Milan Radojçiqit në Rashkë, ka kërkuar më shumë informacione se pse ky i fundit është lejuar të ikë nga “rrethimi” në Banjskë, raporton InLajmi.
Tahiri tha tutje se qytetarët para se të njoftohen me veprimtarinë e Radojçiqit më shumë i’u intereson të dijnë pse u la të ik ai, kur përbën aq rrezik për vendin.
“Sa i përket çështjes së deklaratës së kryeministrit mendoj që ai duhet t’i përgjigjet një pyetje qytetarëve të Kosovës. Në kohë reale me 24 shtator nga pamjet që janë siguruar nga droni i institucioneve të sigurisë ata kanë parë Radojiçiqin në Manastirin e Banjskës, pra pse është lënë të ikë një person që tashmë po përbënte kërcënim serioz për vendin tonë, kishte organizuar një akt terrorist dhe kishte urdhër-arrest nga institucionet e Kosovës”, tha Tahiri.
Sipas tij Radoiçiq nuk është dashur të i “ikë” policisë, por ai është dashur të kapet e sillet para drejtësisë
“Ai është i dyshuar për një sërë veprash penale në vendin tonë, ai atë ditë nuk do duhej mu lejuar me ikë, por është dashur të kapej nga Policia e Kosovës dhe mu sjell para organeve të drejtësisë. Para se me na tregu kryeministri se çka o bënë Radojiçiqi në Rashkë, mirë është me na tregu kryeministri pse e la me ikë atë ditë. Në kohë reale janë parë pamjet dhe neve na janë prezantuar pas 3 ditësh”, theksoi Tahiri./InLajmi/
