Kryetari i Partisë Demokratike të Kosovës, Memli Krasniqi bashkë me Uran Ismailin vizituan ish-presidentin Hashim Thaçi dhe ish-kryeparlamentarin Kadri Veseli në Hagë, përcjell InLajmi.
Pas takimit me ish-krerët, duket i thyer në shpirtë, ndërsa shprehet se dyert e hekurta e muret e larta, çdo ditë e më shumë po e humbasin betejën kundrejt zemrave, besimit dhe kurajos së çlirimtarëve tanë.
Krasniqi u shpreh se ish krerët e UÇK-së vazhdojnë të qëndrojnë ballëlartë, me mendje e zemër tek Kosova.
Postimi i plotë i tij:
Bashkë me Uranin, vizituam përsëri në Hagë, Presidentin Hashim Thaçi e Kryetarin Kadri Veseli. Dyert e hekurta, korridoret e gjata e muret e larta, çdo ditë e më shumë po e humbasin betejën kundrejt zemrave, besimit dhe kurajos së çlirimtarëve tanë.
I gjetëm të gjithë bashkë ballëlartë si gjithmonë dhe me Kosovën në mendje e zemër, që vazhdon t’i frymëzojë, t’i mbajë të fortë e krenarë secilin.
Gjithmonë me ta dhe pranë tyre, deri në ditën e shumëpritur të triumfit të drejtësisë! Sepse, dielli do të lind përsëri!/InLajmi/
