Në “Ditët e Gjyqësorit” të organizuar nga KGJK-ja, Kryetari i Këshillit Gjyqësor të Kosovës KGJK Albert Zogaj, shprehu kritika ndaj vendimeve të pushtetit, duke theksuar se vendimet e tyre kanë cënuar rëndë pavarësinë e gjyqësorit, kur flasim për uljen e pagave, raporton InLajmi.
Ai kritika pati edhe për komentet e pushtetarëbve ndaj vendimeve të gjyqësorit, ndërsa kërkoi që të përmbahen e të mos komentojn vendimet e gjykatave.
Ai foli pak më shumë rreth vendimit të Qeverisë me Ligjin e Pagave që gjyqtarëve u ulen pagat, vendim ky tha Zogaj, është goditje serioze ndaj gjyqësorit.
“Vendimi për uljen e pagave ishte goditje serioze dhe me pasoja të rënda për gjyqësorin e Kosovës sepse përveç se ka cenuar Kushtetutën e vendit e ligjet në fuqi, janë cenuar edhe standardet ndërkombëtare të shprehura mbi opinionet e këshillit të gjyqtarëve evropianë. Sjellja e 2 pushteteve në raport me gjyqësorin kur merren për bazë parimet e procedurës, nënkupton se kanë cenuar rëndë pavarësinë e gjyqësorit dhe dua të shfrytëzoj këtë konferencë t’u bëjë thirrje për përmbajtje mbi vendimet e Gjykatave”,u shpreh Zogaj.
Nga ana tjetër Kryetari i Gjykatës Supreme, Fejzullah Rexhepi, vuri në theks sfidat që ka gjyqësori, porse tha ai se edhe përkundër vështirësive është punë e madhe duke i përfunduar lëndët në kohë rekorde.
“Dua të theksoj se pavarësisht sfidave dhe vështirësive që është përballur sistemi i drejtësisë, kemi bërë progres në sistemin gjyqësor. Mbi të gjitha sfidat që variojnë edhe më tutje, mund të them se Supremja i ka kryer të gjitha detyrat e saja institucionale, duke i kryer lëndët në kohë rekorde dhe pritjet e vendimeve nuk janë më të largëta se sa tre muaj. Me këtë unifikim konsiderojmë se do të rritet efikasiteti i gjykatave”, deklaroi Fejzullahu.
