Thirrja e presidentit të Ukrainës, Volodymyr Zelensky që të mbahet vëmendja tek Ballkani Perëndimor, meqë sipas tij, ka informacione që Rusia po bën plane për një luftë të re, ka nxitur reagime të shumta gjithandej, sikur edhe në Kosovë, përcjell InLajmi.
Politikan e analistë të Kosovës, kanë reaguar e ndër ta edhe publicisti Veton Surroi i cili tha se paralajmërimet e presidentit ukrinas nuk duhen “injoruar”.
Sipas tij, deklarata e Zekenskyt padyshim se mbajnë peshë të veçantë për ta luftuar Rusinë.
Për më tepër Surroi thekson se Ballkani Perëndimor është pjesë ku Rusia ka bër investime të vogla, porse përfitimet kanë qenë të “konsiderueshme”.
“Rajoni i Ballkanit Perëndimor ka qenë një zonë ku Rusia ka investuar relativisht pak, por ka pasur ‘fitime të konsiderueshme’, veçanërisht kur krahasohet me përpjekjet e bëra nga NATO dhe BE në rajon. Dhe pa ndonjë ndryshim thelbësor në politikat perëndimore, do të vazhdojë ta bëjë këtë. Deklaratat e Zelenskyt pa dyshim mbajnë peshë të veçantë për ta luftuar Rusinë”, është shprehur Surroi.
