Reperi i njohur kosovar Mozzik, vizitoi Kadri Veselin i cili ndodhet në paraburgim në Hagë, ndërsa shprehet se rruga deri në këtë takim ishte një peiszazh i errët e pikëlluese, përcjell InLajmi.
Mozzik, duket i mërzitur ndërsa me emocion e dhimbje thotë se në këtë vend të ndaluar, emocionet e humbjes dhe shpresës përplasen në një përjetim të thellë të vuajtjes së njeriut.
Reperi, njoftoi se me Veselin kishin zhvilluar biseda të ndryshme të cilat ishin frymëzuese dhe të përcjellura me buzëqeshje.
Postimi i plotë i tij:
Vizita në burg te Kadri Veseli është një rrugë pikëlluese në një peisazh të errët, ku drita e lirisë shuhet në prangat e mbylljes.
Në këtë vend të ndaluar, emocionet e humbjes dhe shpresës përplasen në një përjetim të thellë të vuajtjes së njeriut, duke përforcuar nevojën për drejtësi dhe për një të ardhme më të ndritshme.
Vallai Kadria o burrë amo burrë burrë ata që e njofin e njofin.
Disa djem atëherë me disa armë që morën rrugën për me çliru Kosovën , po rrinë në burg .
Po e paguajnë shumë shtrenjtë çmimin e lirisë .
E dhimbshme , e trishtë se në çfarë horizonte është lakuar lufta e pastërt e UÇK-së .
Lutem që rinia,brezi i ri të informohet me historinë e shtetit tonë më shumë , me luftën me lirinë dhe me gjithçka që po kalojmë.
Biseduam shumë gjëra frymëzuese e besa edhe qeshëm shumë së bashku.
Të fala keni të gjithë !
Zoti iu dhashtë shëndet e forcë ta mbroni këtë rrugëtim të lirisë të shtetit tonë Kosovë.
