Formimi i Komisionit Hetimor Parlamentar, për hetimin e procedurave për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore, dështon përsëri edhe pas tentimit të 7 të opozitës, raporton InLajmi.
Edhe tentimi i 7 dështon për shkak të mospjesmarrjes së deputetëve të mazhorancës, e krejt ky bojkot vjen si kundërpërgjigje ndaj opozitës e cila nuk merr pjesë në votimin e marrëveshjeve ndërkombëtare.
Por opozitarët vlerësojnë se bojkotimi i mazhorancës po bëhet me qëllim të mos publikimit të keqpërdorimeve.
Kryesuesi i këtij Komisioni Rashit Qalaj, tha se konstituimi i këtij Komisioni është duke dështuar qëllimshëm nga deputete e VV-së që të mos “vërtetohen” e të dalin nën publike dyshimet për keqpërdorime.
“Sot është tentativa e 7 për konstituimin e komisionit dhe po e shihni që edhe pas 7-të tentativave deputet e VV-së janë duke bojkotuar punë e këtij komisioni me qëllimi. Me qëllimi që ato dyshime të mos dalin në publik. Çështja e rezervave shtetërore që nga fillimi ka qenë e dyshimet. Ne deputet e partive opozitare jemi konsultuar dhe kemi bërë një listë që kemi pasur në plan t’i ftojmë dhe t’i intervistojmë, që nga kryeministri i vendit dhe shumë të tjerë”, tha Çalaj.
Deputetja e LDK-së, Doarsa Kica-Xhelil, tha se duhet që prokuroria ti hetoj deputet e VV-së të cilët nuk janë duke marr pjesë në këtë komision.
Ajo u shpreh se bojkoti po ndodh mbase deputetët e VV-së mund të jenë të përfshirë në këtë aferë korruptive.
“Unë përtej gjithë akterëve që kanë qenë të implikuar, pres që prokurori t’i marr në pyetej edhe anëtartë e këtij Komisioni që nuk janë duke ardhur. Unë nuk e di se ku e kanë hallin që nuk po vijnë, a e dinë diçka më shumë se në, a e dinë që janë bashkëkryerës në këtë vepër. Unë kam filluar që të besoj që kjo është duke ndodhur vetëm për arsye politike. Unë mendoj që të kërkojmë Komision të ri hetimor për kontrata një burimore”, tha Kica-Xhelili.
Deputeti i AAK-së, Pal Lekaj, tha se në Kosovë nuk ka pasur Qeveri më të korruptuar se sa Qeveri e udhëhequr nga Kurti.
“Është hera e 7-të që nga mazhoranca injorohet ky komision hetimor ata duan që t’i ikin një të vërtetës, një hajnie. Është me të vërtetë keq që të bëhet kaq shumë hanji nga ata që kauza e tyre ka qenë që të luftohet korrupsioni, mendoj që nuk kemi pasur qeveri më të dështuar dhe korruptive. Ne duhet të mos dorëzohemi, mendoj që ne të kemi një seancë dëgjimore dhe t’i drejtohemi kryetarit të Parlamenti që të shqyrtoj edhe një herë anëtaret e këtij komisioni”, tha Lekaj
