Deputetja e Lidhjes Demokratike të Kosovës, Hykmete Bajrami, para se të flasë për të metat e projeksioneve buxhetore për vitin e ardhshëm, para deputetëve paraqiti disa të dhëna nga ASK-ja për rritjen ekonomike dhe rritjen e inflacionit gjatë qeverisjes së Albin Kurtit, raporton InLajmi.
Ajo ka kujtuar se qeveria aktuale e ka marr mandarin me 16 % rritje ekonomike, ndërsa sot sipas saj, rritja ekonomike është 2%.
“Nga ASK kjo është pamja e rritjes ekonomike të Kosovës për mandarin e qeverisë së Kosovës. Me 16 për qind e kanë marr dhe sot është në dy për qind. Dhe kjo e paraqet normën e inflacionit. Sigurisht kryeministri është shumë i zënë se dialogu ju është bëtë prioritet numër një, këto po ja dorëzoj”, tha Bajrami.
Bajrami tha se buxheti është rritur në disa sektorë, por është ulur në disa organizata buxhetore, duke shtuar se s’ka shanse të bëhen të gjitha rritjet buxhetore me 78 milionë euro më shumë
“Ju thatë se keni rritur buxhetin, por i nderuar as një herë nuk e përmend se ku e keni ulur buxhetin. Buxheti, planifikim për vitin 2024 është ngrit me vetëm 2.3 % ose 78 milionë euro, andaj nuk ka shanca që të bëhen të gjitha këto rritje në përqindje prej 20-30% e 50% me 78 milionë euro, ka organizata buxhetore të cilave ju është ulur buxheti”, u shpreh Bajrami./InLajmi/
