Një recetë e shijshme dhe perfekte për të gjithë ata që nuk i rezistojnë dot ëmbëlsirave.r.
Keku i zier në sherbet dhe i mbushur me krem është një nga ëmbëlsirat që do t’ju pëlqej më shumë.
Buka e zhytur në sherbet të karamelizuar dhe kremi i freskët bëjnë një nga kombinimet më të përkryera që nuk duhet ta humbisni.
Përbërësit për bukën e kekut
- 20 g maja
- 2 lugë gjelle me gjalpë
- 1 lugë gjelle me sheqer pluhur
- 1 filxhanë çaji me qumësht
- 2 vezë
- 300 g miell
Përbërësit për sherbetin dhe kremin
- 4 gota e gjysmë me sheqer
- 4 gota e gjysmë me ujë
- 1 lugë gjelle me lëng limoni
- 500g krem djathi apo Mascarpone
- 3-4 lugë gjelle me qumësht
- Lëkura e një limoni
Përgatitja
Si fillim nisjani me përgatitjen e bukës së kekut pasi duhet të jetë i ftohtë.
Në një tas të madh shtoni majanë, sheqerin dhe qumështin e vakët dhe përzjejeni derisa të krijohet ajka në sipërfaqen e tij.
Kur majaja të jetë aktivizuar shtoni gjalpin e shkrirë dhe përzjejini mirë.
Ndërkohë në një tas tjetër rrihni mirë vezët dhe shtojini tek qumështi me maja.
Duke e përzierë filloni të shtoni pak e nga pak miellin gjithmonë duke e përzierë në mënyrë që të mos krijohen kokrriza.
Kur të formohet brumi kalojeni të në një tavë të lyer më gjalpë dhe të spërkatur me miell.
Piqeni në furrë të ngrohur me 180-200 gradë.
Piqeni derisa sipërfaqja e kekut të ketë marrë një ngjyrë të artë të thellë.
Nxirreni nga furra dhe lëreni të ftohet plotësisht dhe më pas futeni në frigorifer që të thahet.
Nëse doni një rezultat më të mirë, bukën e kekut mund ta përgatisni edhe një ditë mëparë dhe ta lini në frigorifer.
Ndërkohë përgatisni kremin që ju duhet për mbushjen e kekut.
Merrni kremin e djathit ose Mascarpone (mund ta gjeni në të gjithë supermarketet) dhe hidheni në një tas.
Aty shtoni lëkurën e një limoni dhe qumështin, shkruan Agro Web.
Me rrahësin elektrik përzjejeni derisa të krijohet një masë e njëtrajtshme dhe e plotë.
