Ish-kryeministri i Malit të Zi, Dritan Abazoviq, ka thënë se ngjarja në Banjskë të Zveçanit pati pasoja tragjike ku janë vrarë njerëz, i ka shkaktuar dëm Serbisë, ndërsa nuk komentoi nëse ai konflikt kishte ndodhur pa dijenin e Serbisë, përcjell InLajmi.
I pyetur nëse beson se konflikti i armatosur mund të kishte ndodhur pa dijenin e autoriteteve në Serbi, Abazoviq nuk komentoi më shumë, ndërsa se ai akt krijoi një problem të madh për Beogradin.
“Nuk hezitoj ta them këtë, por më duhet të theksoj se ajo që ndodhi i shkaktoi dëmin më të madh autoriteteve në Serbi. Unë thjesht nuk e shoh logjikën në këtë, sepse ai akt krijoi një problem të madh për Beogradin. Pikërisht atëherë e kam fjalën për pasojat politike dhe kemi pasur edhe pasoja tragjike, sepse aty janë vrarë njerëz”, u shpreh Abazoviq në një intervistë për Nova.rs.
Moderatori i është drejtuar Abazoviqit, duke thënë se ne disi nuk i shohim pasojat politike të Banjskës, ndërsa ky i fundit tha se ju nuk i shihni por mendoj se pozicioni i Serbisë është dëmtuar dushëm.
“Ju nuk e shihni këtë, por mendoj se kjo e ka dëmtuar ndjeshëm besueshmërinë e pozicionit të Serbisë para kësaj. Negociatat ishin mjaft të sforcuara dhe shumica e tyre theksuan se faji ishte i palës tjetër…Kjo është e drejtë. Ai (Kurti) u kritikua nga bashkësia ndërkombëtare se nuk ishte bashkëpunues. Ai ka shprehur qëndrimet e tij gjatë gjithë kohës, për të qenë i qartë me mua në takim tha se aty mblidhen disa grupe kriminale, se kryhen disa veprimtari kriminale dhe se kanë probleme me njerëzit që pastrojnë para. Ai nuk foli për emra konkretë, por tha se kishte diçka dhe më pas ndodhi kjo situate”, tha Abazoviq.
I pyetur nëse doli të kishte të drejtë (Kurti), Abazoviq tha se pas asaj që ndodhi është vështirë të thuash se kishte gabuar.
“Pas gjithçkaje që ndodhi, është e vështirë të thuash se ai kishte gabuar. Nuk po them se ai u referohej drejtpërdrejt atyre grupeve, por ai vazhdoi t’i kishte ato paralajmërime”, u shpreh Abazoviq
Ndërsa duke iu përgjigjur pyetjes se nëse edhe Vuçiq pas pasur të drejtë kur kishte deklaruar se “Kosova po zien dhe ka rrezik konflikti”, Abazoviq tha se unë thashë atë që mendoja.
“Unë thashë atë që mendoja për të. Unë besoj se shqiptarët dhe serbët duhet të përpiqen për pajtim. Kjo është gjëja që ata nuk e kanë provuar, kanë provuar gjithçka tjetër. Kjo vlen edhe për ne të tjerët. Ky është mesazhi im për marrëdhëniet ndërmjet Kosovës dhe Serbisë”, deklaroi Abazoviq. /InLajmi/
