Në “Debat Plus” është duke u diskutuar për dialogun Kosovë – Serbi, në veçanti për mundësinë e formimit të Asociacionit.
Gashi iu drejtua deputetit të VV-së, Arbër Rexhaj, duke i thënë se VV-ja ka pësuar ndryshim “epokal” sa i përket qëndrimeve për Asociacionit.
Ai tha se VV-ja erdhi në pushtet duke e kundërshtuar formimin e Asociacionit, kurse tash veçse e ka pranuar.
“Dallimi është epokal mes ‘Jo Zajednicës’ dhe ‘unë jam në gjendje me pranu’… Ai ka thënë me fjalët e tij, d.m.th. është, pyetja që shtroj është si erdhëm këtu dhe si po e shihni ju si deputet, se me pranu e ka pranuar”,tha ai.
Gashi tutje tha se asnjëherë më parë nuk ka pasur draft statut për Asociacionin. Në kohën e Isa Mustafës, sipas tij, ka pasur marrëveshje mbi parimet, por jo edhe draft-statut.
“Arbëri po do me thënë se kjo marrëveshje është e mirë, edhe drafti i statutit është më e mirë, e dyta nuk qëndron sepse nuk ka pasur draft përpara. Duhet me fol, nuk ka pasur asnjëherë draft, ka pasur marrëveshje të parimeve… E vërteta është që nuk ka pasur draft kurrë, Isa Mustafa në marrëveshje e ka nxjerrë që me pranu Serbia që shkon në Gjykatë Kushtetuese. Opinioni i saj ka qenë negativ. Kur e keni marrë pushtetin, keni thënë që nuk negocioni. Keni negociuar, e keni pru një statut, për mendimin tim është më i keq se më herët”,tha ai.
