Instituti Kombëtar i Shëndetit Publik, në Ditën Botërore kundër Diabetit, jep disa detaje për sëundjen e diabetit dhe tipet e saj, ndërsa kujtojnë se kjo është një sëmundje kronike metabolike që karakterizohet me nivele të larta të glukozës në gjak, e cila me kalimin e kohës çon në dëmtime serioze të zemrës, enëve të gjakut, syve, veshkave dhe nervave, përcjell InLajmi.
Nga IKSHPK tregojnë se tipi më i zakonshëm është diabeti i tipit 2, më i shprehur tek të rriturit e i cili shfaqet kur trupi bëhet rezistent ndaj insulinës ose nuk prodhon mjaftueshëm insulinë.
Postimi i plotë i IKSHPK-së:
DitaBotëroreeDiabetit2023
#WorldDiabetesDay
ℹ️ Diabeti është sëmundje kronike metabolike që karakterizohet me nivele të larta të glukozës në gjak (sheqerit në gjak), e cila me kalimin e kohës çon në dëmtime serioze të zemrës, enëve të gjakut, syve, veshkave dhe nervave.
ℹ️ Më i zakonshmi është diabeti i tipit 2, zakonisht tek të rriturit, i cili shfaqet kur trupi bëhet rezistent ndaj insulinës ose nuk prodhon mjaftueshëm insulinë.
ℹ️ Në tri dekadat e fundit prevalenca e diabetit të tipit 2 është rritur në mënyrë dramatike në të gjitha vendet pa dallim nga niveli i të ardhurave.
ℹ️ Më shumë se 500 milionë njerëz aktualisht jetojnë me diabet në të gjithë botën.
ℹ️ Qasja në insulinë dhe kujdesin për diabetin mbetet sfidë për shumë njerëz.
ℹ️ Mbikëqyrja e sheqerit-glukozës në gjak është një komponent themelor i kujdesit për diabetin.
MËSOJE RREZIKUN TËND, MËSOJE VEPRIMIN TËND!/InLajmi/
