Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 13 Nëntor.
13 Nëntor 1906 – Inxhinieri francez, Paul Cornu, arriti të ngrejë në ajër helikopterin e parë në botë. Ky helikopter ishte projektuar mbi një biçikletë.
13 Nëntor 1920 – Në Gjenevë të Zvicrës u inaugurua me ceremoni selia e Lidhjes së Kombeve, organizatë ndërkombëtare që ishte vendosur të themelohej pas Luftës I Botërore. Në këtë ceremoni morën pjesë 5.000 përfaqësues nga 41 shtete.
13 Nëntor 1956 – Gjykata Supreme e Shteteve të Bashkuara të Amerikës shfuqizoi ligjin që shkaktonte diskriminim racor në autobusët e shtetit të Alabamës. Ky vendim i dha një grusht të rëndë politikave raciste në SHBA.
13 Nëntor 1966 – Ushtarët izraelitë kaluan kufirin e Jordanisë me tanke dhe sulmuan fshatin Samu, ku jetonin rreth 4 mijë banorë. Në këtë ofensivë u masakruan qindra civilë.
13 Nëntor 1970 – Uragani “Bhola” goditi Bangladeshin me erëra që arrinin shpejtësinë 240 km/orë. Kjo stuhi e fuqishme u mori jetën rreth 500.000 njerëzve brenda ditës. “Bhola” konsiderohet si fatkeqësia natyrore më e rëndë e shekullit të 20-të.
13 Nëntor 1970 – Lideri i krahut ushtarak të Partisë Baathiste të Sirisë, Hafez al-Assad, mori drejtimin e vendit me grusht shteti.
13 Nëntor 1985 – Në Kolumbi shpërtheu vullkani “Nevado del Ruiz”. Dëbora që shkriu nga lava e vullkanit, mbuloi me baltë qytetin Armero. Ndërsa vendimi i qeverisë për të anuluar evakuimin e qytetit shkaktoi vdekjen e rreth 25.000 civilëve, të cilët mbetën të bllokuar nën baltë.
13 Nëntor 2009 – NASA shpalli botërisht zbulimin e ujit në polin jugor të Hënës.
13 Nëntor 2015 – Franca u trondit nga një seri sulmesh terroriste në zona të ndryshme të kryeqytetit. Si pasojë e këtyre akteve terroriste të organizuara nga Al-Kaida, në Paris humbën jetën 138 persona, 8 prej të cilëve agresorë, si dhe u plagosën 413 të tjerë
