Zyra për Qeverisje të Mirë në kuadër të Zyrës së Kryeministrit dhe Koalicioni i OJQ-ve për Mbrojtjen e Fëmijëve, KOMF kanë publikuar Programin për Zbatimin e Ligjit për Mbrojtjen e Fëmijës, me qëllim ngritjen e kapaciteteve të profesionistëve për mbrojtjen e fëmijës në çdo nivel, raporton InLajmi.
Nga të pranishmit u theksua se modulet dhe përmbajtja, janë një aset edukativ i munguar në fushën e mbrojtjes së fëmijës, veçanërisht për Ligjin e Mbrojtjen e Fëmijës.
Habit Hajredini, drejtor i Zyrës për Qeverisje të Mirë, tha se Programi është një dokument tepër i rëndësishëm e një punë e përbashkët e institucioneve dhe shoqërisë civile.
“Është një dokument tepër i rëndësishëm, është një punë e përbashkët institucioneve e shoqërisë civile dhe që korrespondon direkt me një nga komponentët më të rëndësishme në zbatimin e ligjit. Ligji për Mbrojtjen e Fëmijës ka hyrë në fuqi në vitin 2019 që nga koha që ka hyrë në fuqi institucionet tona në nivel qendror dhe lokal janë mobilizuar”, tha Hajredin.
Deputetja e AAK-së, nëjherit anëtare e Komisionit për të Drejtat e Njeriu, Albana Bytyqi, ka kërkuar zbatimin e Ligjit në praktikë, duke ofruar edhe mbështetjen e tyre si deputetë.
E Donjeta Kelmendi, drejtoresh ekzekutive e KOMF, tha se pandemia pamundësoi zbatimin e këtij ligji.
“Duke pasur parasysh këtë në një takim që kishim me Zyrën për Qeverisje të mirë me z.Habiti që kemi një bashkëpunim të shkëlqyeshëm diskutuam për këtë çështje dhe vendosëm bashkërisht të mbajmë një seri të takimeve të punëtorive në Komuna rreth përmbajtës së Ligjit dhe Zyra për Qeverisje të mirë kishte planifikuar të hartonte një program me module për zbatimin e Ligjit dhe i gjetëm pikat e përbashkëta dhe vendosëm që bashkërisht të mbështesim këtë proces të rëndësishëm”, tha Kelmendi./InLajmi/
