Në Qendrën Mediale në Çagllavicë është mbajtur debati me temën “Një vit pas largimit të serbëve nga institucionet e Kosovës, çfarë fituan dhe çfarë humbën”.
Ministri për Kthim dhe Komunitete, Nenad Rashiq, tha se largimi i serbëve nga institucionet ka sjell shumë pasoja dhe ka lënë mangësi në institucione. Ai tha se me largimin e tyre kanë humbur profesionistët dhe tash po mungojnë nëpunësit e licencuar e kualifikuar.
Duke përmendur Listën Serbe si nxitëse të dorëheqjeve ai tha se personalisht ka bashkëpunuar me këtë parti me ndikim në veri, por që sipas tij, krerë të saj kanë ndërtuar “murin” e Berlinit si mbrojë për mosbashkëpunim.
“Ata që janë larguar nga institucionet, nuk është dashur që të largohen. Nuk e di a kanë mundësi që të kthehen serbët në veri të Kosovës. Kur ka ndodhur dhënia e dorëheqjeve numri i madhe i tyre është dashur të japin dorëheqje me shkrim”.
“Së pari ne kemi humbur njerëzit dhe kohën, nuk kemi nëpunës të cilët janë të licencuar, duhet t’i kthemi vetvetes me aq sa kemi më atë të veprojmë”.
“…kam bashkëpunuar me Listën Serbe, por është ndërtuar një mur, muri i Berlinit, kam qenë i vetmi për largimin e murit. Ne nuk kemi fituar asgjë por duhet t’i kthehemi vetës të kemi dhe forcën ta mbrojmë veten edhe serbët në veri”.
Ana Marija-Ivkoviq, gazetare tha se ky vit ka qenë jo i mirë, duke aluduar në dorëheqjen e policëve. Sipas saj, pasojat më të mëdha të sulmit në Banjskë i kanë bartur qytetarët, raporton EO.
“Kanë humbur shumë madje një vit të jetës normale në Kosovë. Ky vit ka qenë jo i mirë prej që i kanë hekur uniformat policët, të ndërmerren hapa më të vendosura. Kemi pasur një situatë të ngjashme në 2013, më së miri këto i kanë përjetuar qytetarët”.
“…jam e sigurt që Banjska ka pas lidhje me ketë, nuk ka pasur qëllim të vije deri këtu, pasojnë më të mëdha e kanë pasur qytetarët, duhet të kthehen serbët të fillojmë t’i marrim shërbimet edhe në komunat tjera”.
Aleksandar Arsenijeviq, kryetar i partisë Demokracia Serbe, tha se fajin për sulmin në Banjskë e bartë më së shumti Prishtina, madje tha se kur presidentja shkon në veri ata frikësohen, raporton Ekonomia Online
“Kush është fajtor duhet të jap përgjegjësi, fajin me të madhe e bartë Prishtina. Frikësohemi kur vjen Vjosa Osmani në Jarinjë dhe Bërnjakë fotografohet me flamurin shqiptar”.
