Drejtori i Zyrës së Qeverisë së Serbisë për Kosovë, Petar Petkoviq, vlerëson se e thirrjet e Prishtinës për komentimin e draft Statutit të Asociacioniot nga Gjykata Kushtetuese e Kosovës, janë të kota, sepse tha ai kjo gjykatë “nuk ka asnjë kredibilitet jashtë kabineteve individuale apo ambasadave të huaja” dhe se nuk mund ta pezullojë ose të shfuqizojë Rezolutën 1244 të Këshillit të Sigurimit të Kombeve të Bashkuara të vitit 1999, transmeton InLajmi.
“Bashkësia e Komunave Serbe nuk do të jetë kurrë një organizatë joqeveritare në kuadër të së cilës përfaqësuesit e disa përfaqësive perëndimore në Prishtinë do të dëshironin ta vendosin atë”, tha Petkoviq dhe theksoi se“të gjitha marrëveshjet për Statutin e Asociacionit të Komunave, sipas marrëveshjeve të vitit 2013 dhe 2015, duhet të jenë në përputhje me Kushtetutën e Serbisë, Kartën e OKB-së dhe Rezolutën 1244 të Këshillit të Sigurimit të OKB-së”.
“Asociacioni me kompetenca konkrete dhe të përcaktuara qartë për popullin serb është negociuar më shumë se 10 vjet më parë në Bruksel dhe asnjë deklaratë e vetme, as lista e dëshirave të askujt nuk mund të anulojë atë që është garantuar nga i gjithë Bashkimi Evropian dhe atë që është nënshkruar nga përfaqësues të Beogradit dhe Prishtinës”, tha Petkoviq në një deklaratë, shkruan Danas.
Ai vlerësoi se Asociacioni përfaqëson të vetmin mekanizëm për mbijetesën e popullit serb në Kosovë dhe dhe se refuzimi i Prishtinës për të përmbushur zotimin e saj nga dialogu për 10 vjet, i mundësoi kryeministrit të Kosovës, Albin Kurti, të “zbatojë terrorin “.
