Komandanti i Forcave të Sigurisë së Kosovës, gjenerallejtënant Bashkim Jashari, është pritur në takim nga Shefi i Mbrojtjes së Republikës Federale të Gjermanisë, gjeneral Carsten Breuer.
“2 homologët diskutuan rreth situatës së përgjithshme të sigurisë në Kosovë, rajon dhe me gjerë, ata gjithashtu theksuan rëndësinë e rritjes së bashkëpunimit ushtarak ndërmjet ushtrive të 2 vendeve”, thuhet në komunikatën e Zyrës së Informimit Publik e FSK-së.
“Gjenerallejtënant Jashari e falënderoi homologun e tij gjerman për mbështetjen e vazhdueshme që shteti gjerman dhe në veçanti Bundesëehri ka dhënë dhe po jep në zhvillimin e aftësive dhe kapaciteteve të FSK-së”.
Tutje sqaron komunikata se “të 2 shefat u pajtuan që ta përforcojnë bashkëpunimin mes 2 shteteve, ku homologu gjerman i Jasharit pranoi ftesë nga ky i fundit për vizitë zyrtare në Kosovë. KOMFSK gjithashtu i ofroi homologut të tij bashkëpunim mes dy ushtrive përfshirë bashke-zbarkimet në misione të ndryshme, në operacione ndërkombëtare si dhe në fusha të tjera të interesit të përbashkët”.
“Gjenerali Breuer shprehu vlerësim të lartë për gjeneral Jasharin në funksion të ngritjes dhe profesionalizimit të kapaciteteve të FSK-së, si dhe për angazhimin që po e bëjnë në funksion të paqes në Ballkan, si dhe rritjes së bashkëpunimit mes2 ushtrive”.
“Të 2 shefat e mbrojtjes u pajtuan për thellimin e bashkëpunimit në mes të 2 vendeve dhe me këtë rast gjeneral Jashari e ftoi gjeneralin Breuer për vizitë zyrtare në Kosovë”, përfundon komunikata./InLajmi/
