Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 8 nëntor.
8 nëntor 1793 – Pas më shumë se dy shekujsh si Pallat Mbretëror, Luvri, ndërtuar si fortesë në fillim të shekullit XIII, u hap si muze publik në Paris nga Qeveria Revolucionare e Francës. Koleksioni i Luvrit, një prej muzeve më të famshëm të botës, është sot një nga më të pasurit në botë, me vepra arti që përfaqësojnë 11.000 vjet të qytetërimit dhe kulturës njerëzore.
8 nëntor 1923 – Adolf Hitleri dhe përkrahësit e tij kryen një tentativë të dështuar për të rrëzuar qeverinë lokale të Bavarisë. E njohur në historinë politike gjermane si “Puçi i Mynihut”, “Grushtshteti i Mynihut” apo “Puçi i Birrarisë”, kjo ngjarje përfundoi me arrestimin e Hitlerit dhe mbështetësve të tij. Ndërkohë që vuante dënimin në burg, Hitleri shkroi librin “Lufta ime”, konsideruar si kushtetuta e nazizmit. Plot 9 vite më vonë, të njëjtën ditë, nazistët e organizuar nën udhëheqjen e Hitlerit fituan zgjedhjet e përgjithshme dhe nxorën 196 deputetë duke u bërë forca politike e parë në Parlamentin gjerman.
8 nëntor 2000 – Rezultati shumë i ngushtë në garën presidenciale amerikane ndërmjet demokratit Al Gore dhe republikanit George W. Bush e çoi vendi në kaos politik. Diferenca prej vetëm 537 votash bëri që çështja të shkojë për shqyrtim në Gjykatën Supreme të SHBA-së, e cila shpalli fitues Bushin me 5 vota “pro” dhe 4 “kundër”.
