Kosova ka bërë “përparime të kufizuara” në përmbushjen e standardeve të nevojshme për t’iu bashkuar BE-së.Kështu thuhet në Raportin e Progresit të cilin e ka siguruar Rel.
Komisioni Evropian i ka qortuar gjithashtu Kosovën dhe Serbinë për moszbatimin e marrëveshjeve të arritura në dialogun e ndërmjetësuar nga Bashkimi Evropian në raportet e tij të progresit .Në lidhje me këtë Raport, ka folur për “Gazeta Blic” profesori universitar, Muhamet Kelmendi.
Kelmendi tha se qëndrimet e BE-së ndaj Kosovës, në shumë fusha janë reale, ndërsa ka fusha që nuk përkojnë me realitetin objektiv. Ai tha se lidhur me çështjet e brendshme është fakt se ka pak progres këtë vit në Kosovës krahasuar me vitin e kaluar.
“Qëndrimet e BE-së ndaj Kosovës në shumë fusha janë reale. Por, ka fusha ku nuk perkojnë ne realitetin objektiv.Në ketë anë, duhet ndarë ky raport në 2 pjesë: 1. Ana që i kushtohet çështjeve të brendshme të Republikes dhe 2. Raportet e Kosovës me shtetin serb” deklaroi Kelmendi për “Gazeta Blic”
“Lidhur me çështjet e brendshme është fakt se pak ka progres Kosova në këtë vit kundruall vitit të kaluar.Shumë çështje kanë stagnuar.Nuk kemi punësim të pritshëm dhe as përmirësim të kushteve të punës dhe të pagesave, sikundër që ka edhe kufizime të drejtave në pune. Nuk kemi levizje pozitive në fushën e ndarjes së të drejtes, perkatësisht në sistemin gjyqesor dhe në ate prokurorial. Kosova nuk ka arritur të bëjë hapa të rëndësishëm përpara në luften kundër krimit dhe korrupsionit, dukurive negative. Nuk po realizohen të drejtat e masave sa duhet. Kemi ende burokraci tejet të zmadhuar dhe jo efikase. Mos funksionimin e Kuvendit e sheh raporti si dukuri jo të mirë në ndërtimin e sistemit të suksesshëm plural dhe demokratik.Kërkohet të largohen punësimet partiake, lojale dhe familjare. Natyrisht se ka edhe fusha tjera që kritikohen organet e Kosovës dhe i tërë shteti” tha ai.
Kelmendi foli edhe për çështjen e dialogut, çështje, për të cilën flitet në Raport.Ai tha se nuk është fajtor Kosova për mos-arritjen e sukseseve përfunfimtare me shtetin serb.
“Në raport i kushtohet rëndësi edhe çështjes së dialogut. Raporti shpreh idenë dhe kritikon të 2 palët, pa berë dallim.Vetëm ndaj Kosovës kemi masa, këtu është njëanëshmeria e raportit. Nuk është fajtor Kosova për mos arritjen e sukseseve përfundimtare me shtetin serb.Ideologjia e deklaruar nga Vuçiq është: Serbia nuk do të pranon kurrë shtetin e Kosovës, kurrë Serbia nuk do të lejon të bëhet Kosova anëtare e OKB-së dhe Serbia nuk e pranon teresinë dhe integritetin territorial të Kosovës.Këto dihen ne Bruksel”“Pra, është Serbia shkaktare e mos arritjes së sukseseve përfundimtare me Kosovën.Natyrisht se Kosova kërkohet të angazhohet për suksese me domethënese në fushen e rendit, të pluralizimit, të drejtave dhe të demokracisë” deklaroi profesori universitar, Muhamet Kelmendi.
Në raportet e këtij viti, si në atë për Kosovën, ashtu edhe në atë për Serbinë, një vëmendje e shtuar i është kushtuar përmbushjes së detyrimeve që dalin nga dialogu i Brukselit dhe në këtë çështje të 2-ja vendet qortohen për moszbatim e tyre.Normalizimi i marrëdhënieve mes Kosovës dhe Serbisë është vlerësuar me tekstin e njëjtë në të 2-ja raportet individuale të progresit, për secilin vend përkatës, pasi këto obligime janë pjesë e kritereve edhe për avancim në procesin e integrimeve evropiane.
