Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 7 nëntor.
7 nëntor 1665 – Doli për herë të parë e përditshmja britanike “The London Gazette”, e cila vazhdon të publikohet prej 354 vitesh.
7 nëntor 1867 – U lind në Poloni fizikania dhe kimistja e famshme Marie Curie, zbuluese e dy elementeve kimike si poloniumi e radiumi dhe dy herë laureate e Çmimit Nobel.
7 nëntor 1913 – Në Algjeri erdhi në jetë dramaturgu, eseisti dhe gazetari francez, Albert Camus, fitues i Çmimit Nobel për Letërsi në vitin 1957.
7 nëntor 1917 – Pas rrëzimit të qeverisë cariste të Rusisë në muajin shkurt, bolshevikët e udhëhequr nga Lenini morën kontrollin e Petrogradit (sot Shën-Petërburg) duke hapur epokën e njohur historikisht si “Revolucioni i Tetorit”.
7 nëntor 1918 – Epidemia e gripit shkaktoi vdekje masive në ishullin e Samoas Perëndimore, në oqeanin Paqësor. Nga kjo datë deri në fund të atij viti, epidemia e gripit u mori jetën mbi 7.500 personave apo rreth 20 për qind të popullsisë së vendit.
7 nëntor 1921 – Në Itali u themelua Partia Kombëtare Fashiste nën drejtimin e Benito Mussolinit.
7 nëntor 1982 – Në Turqi u mbajt referendumi popullor për kushtetutën e hartuar nga qeveria ushtarake e 12 shtatorit. Sipas rezultateve të plebishitit, kushtetuta e re u miratua me 91,37 për qind të votave të qytetarëve. Kenan Evreni, lider i qeverisë ushtarake dhe kryetar shteti pas 12 shtatorit, u zgjodh president i vendit.
7 nëntor 1996 – Një avion i linjave ajrore të Nigerisë ra në afërsi të Lagosit duke shkaktuar vdekjen e 143 personave.
