Në 7 vjetorin e vdekjës së aktivistit të Lëvizjes Vetëvendosje, Ministri i Punëve të Brendshme, Xhelal Sveçla e ka kujtuar, përcjell InLajmi.
Sveçla tha se drejtësia dhe llogaridhënia për vrasjen e tij janë të pashmangshme, transmeton Telegrafi.
Tutje, ai ka shkruar “Astriti, ky aktivist i shquar i dijes dhe i punës, na mungon çdo ditë e më shumë ndërsa idealet e tij janë dhe do të jenë gjithmonë udhërrëfyesi në angazhimet tona të përditshme”.
Postimi i plotë i tij:
Sot bëhen 7 vite pa shokun e bashkëaktivistin tonë Astrit Dehari.
Mungesa e tij në mesin tonë është e madhe, teksa zvarritja e zbardhjes së vrasjes së tij rëndon dhimbjen tonë të përbashkët.
Drejtësia dhe llogaridhënia për vrasjen e tij janë të pashmangshme.
Astriti, ky aktivist i shquar i dijes dhe i punës, na mungon çdo ditë e më shumë ndërsa idealet e tij janë dhe do të jenë gjithmonë udhërrëfyesi në angazhimet tona të përditshme.
Drejtësi për Astritin./InLajmi/
