Ish-deputeti i VV-së, Haki Abazi, gjatë fjalimit të kryeministrit Albin Kurti, në Kuvend për takimin e fundit në Bruksel, ka vendosur në foltore dhe në pjesë të tjera të Kuvendit pankarta me mbishkrimin “Kush e lëshoi Rajiçiqin nga rrethimi”, njëkohësisht ai vuri fotografi të Kurtit me pamjen e një “jokeri”, raporton InLajmi.
Për largimin e mbishkrimeve të shpërndara të deputetit Abazi u kujdes deputetja e Vetëvendosjes Saranda Bogujevci, por Abazi i vendosi ato përsëri.
Kujtojmë se para fillimit të seancës aktivistët e PSD-së, dekoruan deputetët e Vetëvendosjes me medale për angazhimin pa rezervë në themelimin e Asociacionit, ndërsa deputetët e AAK-së me nga një lule, uruan deputetët e partisë së kryeministrit duke iu shprehur urime për Asociacionin/InLajmi/
