Programi i Kombeve të Bashkuara për Zhvillim, UNDP ka lansuar Analizën e Pulsit Publik: “Shqyrtimi i dinamikës së varfërisë së amvisërive përballë inflacionit”, me ç’rast u tha 2 vjetët e fundit është thelluar varfëria në Kosovë
Nuno Queiros nga UNDP në Kosovë, ndërsa prezantoi të dhënat nga raporti , theksoi se rritja e inflacionit 2 vjetët e fundit ka thelluar varfërinë në Kosovës dhe se më të prekurit nga inflacioni janë familjet e cenuara.
Tutje theksoi Queiros , theksoi se nga të dhënat e gjetura në këtë raport tregohet se në vitin 2021 janë shpenzuar 200 euro në produkte, këto shpenzime për këto produkte deri në vitin 2023 janë rritur në mbi 50%.
“Në kuadër të programit për pulsin publik kemi përgatitur një dokument, dëshmi nga tereni që tregon për inflacionin, kjo mendoj është shumë e duhur që ofron rekomandime që mund të merren si kundër masa. Rritja e krizës ka prekur konsumatorët më të cenueshme. Ne dhjeto të vitit 2022, inflacioni ka arritur 19.4% në Kosovë dhe më të prekurit janë ata më ardhura të ulëta. Inflacioni ka prekur shumë familje në Kosovë. Më herët nuk ka pasur të dhëna për këtë. Varfëria në krahasim me vitin 2021 është thelluar dhe se inflacioni ka ndikuar edhe në gjendjen emocionale”, tha ai.
Anna Toness nga USAD, tha se me problemin e rritjes së inflacionit janë duke u përballur çdo vend i botës, dhe se kjo analizë sipas saj, do t’i ndihmojë institucioneve dhe partnerët në Kosovës që të hartojë politika për këtë çështje.
“Analiza e sotme do të tregoj për dinamiken e amvisërive në fazën e inflacionit. Këto janë problem që po përballen çdo vend i botës. Informacionet që paraqitën sot do të ju ndihmoje institucioneve të Kosovës dhe partnerëve që të përdoren këto të dhëna për të hartuar aktivitet përkatëse”, tha Toness.
Kurse Alisa Hasani menagjere e projekti, theksoi se nga të gjeturat 91.4% e të anketuarve janë shprehur të shqetësuar me rritjen e çmimeve.
Sipas saj, raporti shpërfaqi se 44.1% e të anketuarve raportuan se blejnë më pak produktet dhe shpenzojnë më shumë para.
“91.4%, shprehën shqetësime për ndikimin e mundshëm negativ të rritjes së çmimeve në gjendjen financiare të familjes së tyre. 69.2% raportuan se duhej të bënin përshtatje me zakonet e tyre të shpenzimeve ose buxhetin në përgjigje ndaj çmimeve më të larta në vitin e kaluar. 44.1% e të anketuarve raportuan se blejnë më pak produktet dhe shpenzojnë më shumë para, duke treguar uljen e fuqisë blerëse”, tha Hasani.
Ndërkohë u shpreh ajo se për shkak të rritjes së kostos së jetesës diku 29% e të anketuarve kanë thënë se kanë reduktuar shpenzimet.
“29% e të anketuarve kanë raportuar reduktimin e shpenzimeve të tjera ose shtyrjen e faturave. 19.6% e të anketuarve raportuan se ishin shumë të shqetësuar për borxhin e akumuluar për shkak të kostoja e rritur e jetesës. 14.7% e të anketuarve raportuan se kjo rritje në koston e jetesës kanë ndikuar ndjeshëm në to aftësia për të shlyer borxhet ekzistuese”, tha ajo./InLajmi/
