Kryeministri i Shqipërisë, Edi Rama, shprehet krenar për kontributin e Shqipërisë në procesin e vështirë të normalizimit të marrdhënieve Kosovë-Serbi, teksa thekson se nuk do të mungojë mbështetja e tij personale edhe në ditët në vazhdim për këtë process, përcjell InLajmi.
Kryeministri Rama, ndërkaq ka përmendur draftin e statusit të Asociacionit, duke theksuar se draft ii pranuar nga Kosova dhe Serbia si dokumnet i përshtatshëm, është një draft i BE-së.
Rama ka bërë të ditur se shumë shpejtë do të jetë në Prishtinë për të treguar mbështetjen e tij për Kosovën në zbatimin e marrëveshjes me Serbinë.
Këtë Rama e tha pasi në disa media në Shqipëri është raportuar se drafti që kanë pranuar Kurti e Vuçiq është ai që ka propozuar Rama.
“Nuk do të mund të isha më i vendosur për kontributin konkret të Shqipërisë në procesin e vështirë e të vazhdueshëm të normalizimit të marrëdhënieve ndërmjet Kosovës dhe Serbisë. Megjithatë, draft-statuti i Asociacionit i pranuar nga Kosova dhe Serbia si dokument i përshtatshëm pune është një draft i BE-së”, është shprehur Rama, ndërsa thekson se Shqipëria do të vazhdojë ta mbështesë fuqimisht Kosovën në zbatimin e kësaj marrëveshje.
“Shqipëria do ta mbështesë fuqimisht Kosovën në zbatimin e Marrëveshjes Bazike dhe do të vazhdojë të luajë rolin e saj në promovimin e paqes, stabilitetit dhe bashkëpunimit rajonal ndërmjet të gjitha vendeve në fqinjësinë tonë. Së shpejti do të shkoj në Prishtinë për të treguar personalisht mbështetjen time”, tha Rama.
