Deputeti i Aleancës për Ardhmërinë e Kosovës, Bekë Berisha, një një konferencë për media akuzon Qeverinë Kurti për mosplotësim të kërkesave të Njësisë Speciale ,FIT, raporton InLajmi.
Berisha është shprehur se policinë po e kërcënojnë politikat fëmijërore të kryeministrit.
Ai bënë thirrje qeverisë që të ndalojë propagandën ndaj policisë, ndaj atyre që mbrojnë veriut, por të krijojë kushte për jetë me dinjitet.
“Sot po e kërcënojnë Policinë, politikat fëmijërore të kryeministrit dhe një ministri. Është e pakapshme për një mendje të shëndoshë që një ministri me dalë e me thënë se e ka rrogën 2 000 euro. FIT është njësi që ka rrezikuar jetën dhe janë krenuar me ta. Po e shoh këtë mekanizmin e propagandës se përse ata me maska dhe sot po i linçojnë dhe po i rrezikojnë jetët e tyre”, tha Berisha.
Berisha, theksoi se opozita nuk do që Kuvendin ta kthejë në arenë ku knaqet armiku.
“Ne nuk duam ta kthejmë Kuvendin në një arenë ku kënaqet armiku, por duhet të jemi unik që këta Policë luftëtarë tash nuk po ua plotësojnë kërkesat për të jetuar me dinjitet”, ka thënë Berisha, duke kërkuar unitet nga të gjitha partitë tjera.
“Është një çështje edhe për minatorët që janë mbyllur në grevë dhe është çështje që na ka mërzitur të gjithëve dhe siç duket kjo Qeveri nuk e ka hallin e tyre. Kjo Qeveri edhe me tjerët ka vepruar njëjtë dhe është metodë me i lodhë”, u shpreh Berisha./InLajmi/
