Deputeti nga radhët e Lëvizjes Vetëvendosjes, Eman Rrahmani, është takuar me Kryetarin e Komunës së Prishtinës, Përparim Ramën me të cilin kanë diskutuar për shumë projekte zhvillimore në kryeqytet, përcjell InLajmi.
Rrahmani, është shprehur se temë qendrore në takim me të parin e Prishtinës ishte ndërtimi i unazës së kryeqytetit si nevojë jetike për funksionimin normal të qytetit.
Sipas tij, ky projekt është mjaft i vonuar andaj kërkon që të përfundohet sa më shpejtë.
Për më tepër deputeti Rrahmani tha se obligim për të punuar për Prishtinën përveçse është obligim i kryetarit Rama është oobligim edhe i ministrave, deputetëve i të gjithëve.
Postimi i plotë i tij:
Takim shumë konstruktiv me Kryetarin e Prishtines z. Perparim Rama.
-Studimi i fizibilitetit per Kodren e Trimave
-Projektet të cilat jane duke u zhvillu dhe projektet që priten të fillojnë për Kodren e Trimave
-Ndërtimi i unazës se Kryeqytetit si nje nevoj jetike për funksionimin normal të Prishtines.
-Ndërtimi i rruges A i vonuar kaq shumë duhet të përfundoj sa më shpejtë.
Këto ishin disa nga temat që diskutuam bashkërisht me Kryetarin për të mirën e Prishtinës. Prishtina është e të gjithëve dhe të gjithe duhet të japim kontributin tonë. Ashtu sikurse është i obliguar kryetari Rama, jemi të obliguar të punojmë e të angazhohemi edhe ne si deputet, ministra, qeveri e secili që ka pozita publike në këtë drejtim.
Tirana, Shkupi dhe të gjitha kryeqytetet tjera kanë ikur shumë larg nga Prishtina me zhvillim, andaj na duhet të jemi #bashkëpërPrishtinën./InLajmi/
