Presidentja e Komisionit Evropian, Ursula von der Leyen,pas takimit me presidenten Vjosa Osmani në një konferencë për media, dënoi fuqishëm sulmin terrorist të 24 shtatorit në Banjskë, raporton InLajmi.
“Fuqishëm fajësojmë dhe dënojmë sulmet e 24 shtatorit dhe shprehim ngushëllimet për humbjen e jetës së zyrtarit policor”, tha Leyen.
Sipas saj, Kosova duhet ta pranojë Asociacionin që ka mbetur pezull dhe Serbia duhet ta njoh Kosovën
“Porosia ime është se Kosova ka bërë një progres në fuqizimin e demokracisë. Më kujtohet vitin e kaluar kur bëmë thirrje për liberalizim të vizave dhe ia dolëm se nga 1 janari do të lëvizni lirshëm. Porosia e 2-të është se duhet t’i përafrojmë edhe çështjet ekonomike. Të gjithë e dimë që këto gjëra bëhen nëse Kosova dhe Serbia angazhohen. Kosova duhet ta pranojë Asociacionin që ka mbetur pezull dhe Serbia duhet ta njoh Kosovën”, tha presidentja e KiE-së.
Von der Leyen, foli edhe për ndihmën që Bashkimi Evropian e jep për Kosovën.
“Kemi kaluar në shumë kriza si ajo me energji elektrike dhe kemi ndarë 70 milionë euro. Ekonomitë duhet t’i përafrojmë, dhe nëse i shihmi shifrat, ekonomia kosovare ka shumë punë për të bërë dhe duhet ta rrisim këtë çështje”, tha Leyen./InLajmi/
