Presidentja e Komisionit Evropian, Ursula von der Leyen, të dielën ka nisur turin në vendet e Ballkanit Perëndimor, ndërsa pas Shkupit të hënën ajo do të vizitoj Kosovën me ç’rast do të takohet me presidenten e Kosovës, Vjosa Osmani dhe kryeministrin Albin Kurti.
“Në orën 13:15, presidentja e Republikës së Kosovës, Vjosa Osmani pret në takim Presidenten e Komisionit Evropian, Ursula von der Leyen”, njofton zyra për informim e Presidencës, ndërkaq bëhet e ditur se më pas do të ketë konferencë për media.
Kurse kryeministri Kurti e pret në takim presidenten e Komisionit Evropian, Von der Leyen, në ora 14:15, njofton zyra për informim e Kryeministrit.
Kujtojmë se Presidentja e Komisionit Evropian, Von der Leyen, në kuadër të turneut në Ballkanin Përendimor të dielën ka qëndruar në Shkup .
Bëhet e ditur se gjatë vizitës në vendet e Ballkanit Perëndimor, kryetarja e Komisionit Evropian, Von der Leyen do ta do të prezantojë Kornizën Investuese të Ballkanit Perëndimor./InLajmi/
