Kryetari i Lëvizjes për Bashkim, Valon Murati, nuk beson se në rethanat aktuale ku situata në terren është e acaruar do ti zbatojnë zotimet e tyre palët në dialog, përcjell InLajmi.
Murati është shprehur se nuk ka Asociacion të mirë për Kosovën dhe nuk ka marrëveshje të mirë për Serbinë ku forcohet subjektiviteti ndërkombëtar i Kosovës.
Ai thotë se këto 2 shtylla të marrëveshjes, të hekurta në letër, shndërrohen në të qelqta sa herë vjen puna te zbatimi.
Postimi i plotë i tij:
Nuk ka asociacion të mirë për Kosovën. Nuk ka marrëveshje të mirë për Serbinë ku forcohet subjektiviteti ndërkombëtar i Kosovës.
Këto 2 shtylla të marrëveshjes së pranuar, të paramenduara si të hekurta nga evropianët kur i kanë vendosur në letër, shndërrohen në të qelqta sa herë vjen puna në zbatim.
Në këto rrethana, me qëndrimet e palëve, me gjendjen në terren më të acaruar se kurdoherë, gati se është e paparamenduar zbatimi i zotimeve të palëve.
Ndoshta ndonjëherë tjetër, në rrethana tjera dhe ndoshta edhe me një marrëveshje tjetër./InLajmi/
