Kryeministri i vendin Albin Kurti ka njoftuar se ka pritur në takim presidenten e Komisionit Evropian Ursula von der Leyen, përcjell InLajmi.
Kryeminstri Kurti tha se me Ursula von der Leyenkanë biseduar pë situaten aktuale që po kalon Kosova si dhe për projektet në të ardhmën.
Kurti tha se Kosova e ka dëshmuar mirëbesim në dialog duke respektuar marrëveshjen Bazë dhe Aneksin dhe përkushtim në zbatimin e saj duke ofruar nënshkrimin e propozimit nga BE dhe SHBA-të për zbatimin e nenit 7 në lidhje me nenin 10 të marrëveshjes, në një paketë të përbashkët.
Ai ka shtuar se ka kërkuar nga BE që të hiqen masat ndaj Kosovës.
Postimi i plotë i tij:
3 vizita në pak më shumë se 2 vjet dhe gjashtë takime të përbashkëta me presidenten e Komisionit Evropian Ursula von der Leyen janë tregues i bashkëpunimit të afërt ndërmjet Kosovës dhe Bashkimit Evropian dhe i angazhimit të presidentes von der Leyen ndaj Kosovës dhe Ballkanit Perëndimor.
E njoftova për progresin demokratik dhe ekonomik të Kosovës, për projektet infrastrukturore të cilat kanë mbështetjen financiare të Bashkimit Evropian si dhe projektet e reja sikurse hekurudha Prishtinë-Durrës që kërkon mbështetje.
E falënderova për dënimin e sulmit terrorist ndaj Kosovës në Banjskë. Theksova që Serbia duhet të bëjë ekstradimin e terroristeve në Kosovë për t’u përballur me drejtësinë.
Biseduam për zhvillimet e fundit, duke përfshirë takimin e 26 tetorit me krerët e vendeve të Bashkimit Evropian në margjina të Samitit të Këshillit Evropian.
Republika e Kosovës ka dëshmuar mirëbesim në dialog duke respektuar marrëveshjen Bazë dhe Aneksin dhe përkushtim në zbatimin e saj duke ofruar nënshkrimin e propozimit nga BE dhe SHBA-të për zbatimin e nenit 7 në lidhje me nenin 10 të marrëveshjes, në një paketë të përbashkët.
Kërkova që, në përputhje me këto zhvillime, të hiqen masat ndaj Kosovës dhe të merren masa ndaj Serbisë edhe për sulmin terrorist ndaj Kosovës edhe për mos-gatishmërinë për normalizim të marrëdhënieve duke refuzuar përsëri nënshkrimin me 26 tetor në Bruksel./InLajmi/
