Shefi i Grupit Parlamentar të Lidhjes Demokratike të Kosovës, Arben Gashi, pas mbledhjes së Kryesisë së Kuvendit, konfirmoi se janë pajtuar që në seancën e së premtes të ftohet për raportim kryeministri Albin Kurti, për pranimin e draftit evropian të Asociacionit, raporton InLajmi.
“Në mbledhjen e Kryesisë u pajtuam që ta ftojmë për raportim kryeministrin Albin Kurti se çfarë ka pranuar në Bruksel. Cili është ai draft dhe çfarë ka pranuar kryeministri në Bruksel”, tha Gashi
Gashi, shprehur shqetësimin edhe për grevën e minatorëve të Trepçës, ndërsa kërkon nga institucionet e vendit që të veprojnë.
“Ne shprehëm shqetësimin për grevën e minatorëve dhe kërkuam që institucionet të marrin masa për kërkesat minimale që i kanë grevistët”, u shpreh deputeti Gashi./InLajmi/
