Ministrja e Punëve të Jashtme, Donika Gërvalla- Schwarz thotë se marrëveshja mes Kosovës dhe Serbisë duhet të zbatohet e gjitha.
Sipas saj, një zbatim i pjesshëm nuk do të sillte përparimin e synuar.
Terksa komenton planin e ri të propozuar nga Bashkimi Evropian, ministrja Gërvlla thekson se i njëjti e respekton Kushtetutën e Kosovës, teksa ka shtuar se një Asociacion që e shkel Kushtetutën “është i vdekur”.
“Pra ai asociacion, i cili e shkel Kushtetutën e Kosovës është i vdekur edhe për ne edhe për bashkësinë ndërkombëtare. Një dokument i ri që kemi marrë, i cili nuk e di a do të quhet asociacion apo si do të quhet, i cili shërben për implementimin e planit të lidhur në shkurt, i respekton shqetësimet, e respekton Kushtetutën e Republikës së Kosovës dhe të gjitha dokumentet e tjera që sigurojnë funksionimin e shtetit tonë”, është shprehur ajo në një intervistë për Zërin e Amerikës.
