Të enjten në Bruksel u zhvilluan takime të ndara me kryeministrin Albin Kurti dhe presidentin Aleksandër Vuçiq me liderët evropianë, Olaf Scholz dhe Emanuel Macron e Meloni e të tjerë, përcjell InLajmi.
Pas takimeve Borrell tha se puna po vazhdon dhe se për Kosovën dhe Serbinë s’ka zgjidhje tjetër përveç asaj që del nga dialogu.
Ndaj deklaratës së emisarit Borrell ka reaguar eurodeputeti gjerman, Reinhard Butikofer, i cili kritikon këtë të fundit që vë theksin tek Asociacioni, kurse pengesa për marrëveshje sipas Butikofer është pala serbe.
Tutja tha si Borrell po “gabon” që fajëson të 2 palët, kurse harron agresionin serb në veri.
“Kjo është vërtet interesante: 1. E vetmja pengesë, e cila Borrell përmend, është Asociacioni. A nuk kishte pengesa nga pala serbe? A është e drejtë të “harrohet” përmendja e të gjitha akteve të fundit të agresionit serb? 2. Kryeministri Kurti tha publikisht se ishte i gatshëm të firmoste gjithçka që BE-ja vendosi në tryezë, ndërsa Vuçiq refuzoi një gjë të tillë.”, është shprehur Butikofer.
