Shefi i deputetëve të Lidhjes Demokratike të Kosovës, Arben Gashi, gjatë seancës ka folur për takimin e së të kryeministrit Albin Kurti me emisarët evropian, ndërsa ka adresuar kritika ndaj shgefittë ekzekutivit për pranimin e draftit të Asociacionit, raporton InLajmi.
Ai nuk e arsyeton pranimin e Asociacionit nga Kurti i cili për këtë ka përdoruar dhunë brenda e jashtë Kuvendit.
Ai poashtu kritikon qasjen e qeverisë në raport me zhvillimet e fundit në Bruksel e Kuvendi nuk është në dijeni se çfarë ka ndodhur.
“Me të thënë drejtën është e padrejtë kjo sjellje e pushtetit. Ka shumë zhvillime që kanë ndodhur këto ditë dhe Kuvendi nuk është i njohur nga ky zhvillim. Kemi një sjellje të Kurtit që refuzon bisedimet me partnerët ndërkombëtarë e që prodhon edhe sanksione dhe tash me atë. Çfarë pamë është se Kurti ka pranuar një draft të Asociacionit. Çka ndodhi nga data 24 shtator deri më sot kur Asociacioni ishte i papranueshëm tash është i pranueshëm, ku u vranë edhe njerëz”, tha Gashi.
Sipas tij nuk është normale që të pranohet Asociacioni e të mos raportohet në Kuvend.
“Kryeministri e pranon Asociacionin, por nuk raporton në Kuvend. Si mund të pranohet kjo sjellje dhe si është e mundur që të sillemi si gjë normale kur Kurti ka bërë dhunë jashtë dhe brenda Kuvendit ta pranojë Asociacionin”, u shpreh deputeti Gashi, ndërsa theksoi se si është që Asociacioni të pranohet tani kur kanë humbur edhe jetë njerëzish.
“Si ndodhi që diçka e papranueshme (asociacioni) që kanë humbur edhe jetë njerëzish dhe i kanë humbur dhjetë vjet këtij vendit, të pranohet tani. Kurti duhet të vijë të raportojë në Kuvend. Është i palogjikshëm dhe joinstitucional. I ka 64 folës i ka, për çka po frikësohet, ndoshta nga mungesa e argumentit”, deklaroi Gashi/InLajmi/.
