Koordinatori i Konventës Kombëtare të BE-së për kapitullin 35, Dragisha Mijaçiq, tha se dialogu duhet të vazhdojë pavarësisht se si e shohin në Beograd apo Prishtinë dhe se pret që ai mesazh të përsëritet edhe sot në Bruksel, ku liderët e vendet do të mblidhen anëtarë të BE-së, transmeton InLajmi.
Presidenti serb Aleksandar Vuçiq dhe kryeministri i Kosovës Albin Kurti do të jenë sot në Bruksel, siç është paralajmëruar dhe Mijaçiq nuk e përjashton mundësinë e takimit të tyre të përbashkët në fillim të samitit të liderëve të BE-së.
“Thjesht nuk ka alternativë tjetër përveç dialogut. Dhe këtë “pesëshja e madhe” e përcolli javën e kaluar në takimet në Beograd dhe Prishtinë me Vuçiqin dhe Kurtin. Ata theksuan se dialogu nuk ka alternativë dhe se formati i negociatave nuk do të ndryshojë”, tha Mijaçiq.
Ai shtoi se përfaqësuesit e BE-së, SHBA-së, Gjermanisë, Francës dhe Italisë nuk kanë ardhur në Beograd dhe Prishtinë më 21 tetor pa propozime dhe pa ide për vazhdimin e dialogut.
“Ata padyshim kanë paraqitur disa propozime për vazhdimin e dialogut. Ne nuk i kemi dëgjuar ato propozime, por do ta zbulojmë shumë shpejt, deri në fund të kësaj jave, kur Këshilli Evropian do të marrë masa vendimtare si ndaj Beogradit ashtu edhe ndaj Prishtinës në lidhje me zbatimin e mëtejshëm të marrëveshjes për rrugën e normalizimit, si dhe aneksi i tij që u nënshkrua në fillim vjet. Besoj se aspirata kryesore do të jetë drejt formimit të Asociacionit të Komunave Serbe, drejt deeskalimit, organizimit të zgjedhjeve në veri të Kosovës, por edhe drejt transparencës në hetimin e gjithçkaje që lidhet me ngjarjet e fundit në Banjskë”, thekson Mijaçiq.
Sipas Mijaçiq, në tavolinë ka shumë tema, shkruan Danas.rs.
“Besoj se negociatat do të vazhdojnë diku në Bruksel. Presidenti Vuçiq ka paralajmëruar se do të jetë në Bruksel, aty ndoshta do ta shohim Kurtin, kështu që ekziston mundësia që para seancës së samitit të BE-së të ketë një takim trepalësh apo dypalësh në Bruksel, për të përcaktuar të gjitha ato propozime qëjanë. dorëzuar të shtunën e kaluar dhe që të 2 palët të përcaktohen sipas propozimeve dhe të gjitha para takimeve të shefave të shteteve dhe qeverive të vendeve anëtare të BE-së”, thekson Mijaçiq.
