President i Sebisë Aleksandër Vuçiq para pak çastesh ka përfunduar takimin me liderër evropian, raporton InLajmi.
Në margjina të Samitit të BE-së, Vuçiq është takuar me Presidentin e Këshillit Evropian, Charles Michel, shefin e diplomacisë së BE-së, Josep Borrell, përfaqësuesin special të BE-së për dialogun ndërmjet Beogradit dhe Prishtinës, Miroslav Lajcak, si dhe me kancelarin e Gjermanisë, Olaf Scholz, Presidenti i Francës, Emmanuel Macron dhe kryeministri i Italisë, Giorgio Meloni.
Paraprakisht, zyrtarët evropianë kanë biseduar me kryeministrin Albin Kurti, i cili është larguar menjëherë pas takimit, pa dhënë deklarata për gazetarët.
Bisedimet e veçanta të Vuçiqit dhe Kurtit me liderët evropianë zgjatën pak më shumë se një orë.
Sipas njoftimeve nga Brukseli, sot nuk do të ketë dialog mes Beogradit dhe Prishtinës, por Aleksandar Vuçiq dhe Albin Kurti janë takuar veçmas me zyrtarë evropianë.
Para se të nisej për në Bruksel, presidenti Aleksandar Vuçiq i tha RTS se Big Five janë në Beograd dhe se ne jemi gati të bisedojmë. Po trokasin në derë të hapur kur është fjala për Beogradin, nuk do të jetë e lehtë, nuk ka takim të bukur në Bruksel, theksoi Vuçiq.
Duke komentuar mesazhin nga Prishtina se e kanë pranuar propozimin evropian, Vuçiq tha se ” e kanë pranuar si bazë, por se “marifetet janë në detaje”, se ata thonë se Asociacioni nuk është temë, nëse nuk është temë, uk e di se çfarë është”. /InLajmi/
