Ballkani ka pësuar humbje 2-1 ndaj Astanas në kuadër të rrethit të tretë të Ligës së Konferencës.
Pas 7-të minutash lojë, mysafirët kaluan në epërsi me golin e Kamo Hovhannisyan.
Por, festa e lojtarëve të Astanas zgjati vetëm 60 sekonda, pasi kampioni i Kosovës i barazoi shifrat.
Ishte Edvin Kuç, ai që barazoi rezultatin në 1-1, për të rikthyer ndeshjen në baraspeshë.
Mirëpo, Astana ia doli të rikthente epërsinë me golin e Abzal Beysebekov, që realizoi në minutën e 23-të.
Edhe pse gjatë gjithë pjesës së 2-të Ballkani kërkoi golin, ndeshja u mbyll me rezultatin e pjesës së parë (1-2), shkruan Insajderi.
Viktoria Plzeni është lider i Grupit C me 6-të pikë, ndërsa Ballkani, Dinamo Zagrebi dhe Astana kanë nga 3 pikë.
