Trajneri Ismet Munishi ka bërë të ditur se nuk do të drejtojë klubin e Ferizajt që garon në Ligën e parë, duke ofruar dorëheqjen e tij, ndërsa ndaj këtij largimi ka reaguar klubi i cili falënderon atë, përcjell InLajmi.
Klubi i Ferizajt, përveçse falënderon përzemërsisht trajnerin, ka bërë të ditur se projekti me Munishin ishte afatgjatë, me bindje të plotë, se suksesi ishte dëshira jonë e përbashkët.
FC Ferizaj e vlerëson shumë trajnerin Munishi, për vlerat sportive, shpirtin luftarak, e mbi të gjitha dashurinë që e ka për klubet kur i drejton
Postimi i plotë:
𝐅𝐚𝐥𝐞𝐦𝐧𝐝𝐞𝐫𝐢𝐭 𝐈𝐒𝐌𝐄𝐓 𝐌𝐔𝐍𝐈𝐒𝐇𝐈!
Të nderuar tifozë, FC Ferizaj ju njofton se pas një periudhe më shumë se 5 mujore në krye të shtabit teknik, Ismet Munishi ka ofruar dorëheqje nga pozita e trajnerit.
Me këtë rast, FC Ferizaj, e falenderon përzemërsisht trajnerin Munishi për punën dhe kontributin e tij sa ishte pjesë e klubit tonë.
Projekti me Munishin ishte afatgjatë, me bindje të plotë, se suksesi ishte dëshira jonë e përbashkët. FC Ferizaj e vlerëson shumë trajnerin Munishi, për vlerat sportive, shpirtin luftarak, e mbi të gjitha dashurinë që e ka për klubet kur i drejton.
Prandaj, vlerësime maksimale për punën e trajnerit Munishit, paçka se ajo nuk u përkthye në rezultate.
Skuadrën aktualisht do ta drejtoj trajneri Egzon Shabani dhe ndihmësit e tjerë, deri në një vendim të ri.
FC Ferizaj vazhdon përpara, asgjë nuk ka ndyshuar në qëllime, e mbi të gjitha asgjë nuk ka përfunduar./InLajmi/
💙🤍
