Emisari i BE-së për dialogun Kosovë-Serbi, Miroslav Lajçak, tha se me kryeministrin Albin Kurti biseduam për avancimin e normalizimit të marrëdhënieve ndërmjet Kosovës e Serbisë dhe përparimit në implementimin e marrëveshjeve të kaluara, raporton InLajmi.
Emisari special i BE-së, u shpreh se ngjarjet e 24 shtatorit nuk mund ta ndryshojnë faktin që Kosova dhe Serbia kanë lidhur një marrëveshje për normalizimin e marrëdhënieve
Lajçak , theksoi nevojën imediate për të lëvizur në themelimin e Asociacionit.
“Kemi dëgjuar me kujdes qëndrimet e Kurtit dhe brengat e tij për sa i përket situatës së sigurisë në veri të Kosovës dhe dua të them se sulmi ndaj PK-së nga individë të armatosur është përshkallëzim i qartë. I shprehëm ngushëllime kryeministrit Kurti dhe kemi dënuar fuqishëm sulmin e 24 shtatorit. E bëmë të qartë se të gjithë sulmuesit duhet të vijnë para drejtësisë dhe presim bashkëpunimin e plotë të Serbisë dhe angazhim konkret në këtë drejtim”, deklaroi emisari Lajçak.
Tutje, theksoi ai se ngjarjet e 24 shtatorit vunë në pah nevojën urgjente për de-eskalim e normalizim të raporteve.
Ai tha se çfarëdo kushtëzimi është i papranueshë, prandaj presim nga Kosova e Serbia të kryejnë obligimet.
“Ngjarjet e 24 shtatorit e sqaruan qartë që de-eskalimi dhe normalizimi janë më urgjent sesa kurrë. Çfarëdo lloji kushtëzimi apo vonese është e papranueshme dhe presim që Kosova dhe Serbia të përmbushin obligimet e dialogut”, tha Lajçak./InLajmi/
