Deputetja e LDK-së, Hykmete Bajrami, ka thënë se Qeveria urgjentisht duhet të dalë me shpjegime dhe të ju tregoj qytetarëve se sa i ndotur është uji i Liqenit të Badovcit, përcjell InLajmi.
Ndërsa kërkoi nga qeveria të dal me shpjegime për qytetarë, Bajrami theksoi se qeveria duhet të tregoj sa është i ndotur uji, çfarë po veprojnë atoritete qendrore në sanimin e kësaj situate dhe deri kur do të evitohet problem i ujit të ndotur.
Sipas saj, pjesa më e madhe e qytetarëve nuk kanë mundësi të blejnë ujë, prandaj ka pyetur se si do ti ndoihmoj qeveri qytetarët që furnizohen nga Badovci.
Krjet në fund Bajrami i bëri thirrje qeverisë: “ Zgjohuni nga gjumi, bëni zgjidhje për qytetarët”
Postimi i plotë i saj:
Ku është Qeveria sot?
Derisa dje, kur në Kuvend opozita debatonte për përmirësimin e kushteve të policisë së Kosovës, debat të cilin LVV e bojkotoj, ata zgjedhën pikërisht këtë kohë që të thërrasin konferencë për medie për të folur të gjeturat e raportit të Autoritetit Rregullativ të Ujërave, duke ju referu disa herë gjendjes para dhe pas ardhjes së LVV-së në pushtet, POR janë bërë 17 orë që kur Insituti Kombëtar i Shëndetit Publik doli me lajmërim: ”të gjitha lagjet e Prishtinës dhe rrethinës, respektivisht të gjithë ata që furnizohen nga Liqeni i Badovcit të mos e përdorin ujin e sistemit as për pije dhe as për gatim” DHE nuk ka asnjë reagim nga ana e Qeverisë.
Qeveria urgjentisht të dalë me shpjegime dhe të ju tregoj qytetarëve:
– Sa i ndotur është uji i Liqenit të Badovcit? Sepse pjesa me e madhe e qytetarëve nuk kanë mundësi me ble ujë dhe do të vazhdojnë ta konsumojnë atë ujë.
– Çka po bëjnë autoritetet shtetërore për evetimin e këtij problemi?
– Nëse ky është problem që mund të evitohet, sa do të zgjatë krejt procesi?
– A është i mundshëm pastrimi i Liqenit të Badovcit nga koncentrimi i manganit?
– Si do t’i ndihmoj Qeveria qytetarët që nuk kanë mundësi të blejnë ujë gjatë kësaj kohe?
Qeveria duhet ta ketë parasysh faktin se 95% e qytetarëve nuk kanë mundësi të blejnë ujë për pije dhe gatim.
Zgjohuni nga gjumi, bëni zgjidhje për qytetarët!/InLajmi/
