Policia e Kosoves ka njoftuar se në Lëbushë të Deçanit ka ndodhur një vetaksident me fatalitet, përcjell InLajmi.
Rastin e ka konfirmuar për InLajmin Policia e Kosovës për rajonin e Pejës, ku konfirmohet se nga ky aksident është vdekur një person.
Sipas policisë bëhet e ditur se në këtë aksident kanë mbetur të lënduar edhe 3 persona të cilët janë dërguar në kujdes intensiv.
“Në orën 17:17 kemi pranuar informatën për një vetaksident trafiku të ndodhur në Lëbushë të Deçanit. Policia e Kosovës ka dalë menjëherë në vendin e ngjarjes dhe ka hasur në katër persona të lënduar të cilët ndodheshin në një veturë. Të lënduarit menjëherë janë transportuar drejt Spitalit Rajonal në Pejë, ku më pas është konfirmuar se njëri nga ta ka vdekur ndërsa tre të tjerët po trajtohen në kujdesin intensiv”./InLajmi/
