Ministria e Jashtme e Kosovës ka reaguar pas kërcënimeve të presidentit Emmanuel Macron për rivendosjen e vizave.
Përmes një përgjigje të dhënë për ABC News, ministria thotë se vendimi për vizat merret nga Bashkimi Europian dhe jo nga një shtet anëtar.
Ndër të tjera në përgjigjen e dhënë theksohet se procedurat e tilla i kanë afatet e caktuara kohore dhe vendimet merren me shumicën e paraparë të votave.
Përgjigja e plotë:
Te nderuar,
Sa i perket pyetjeve tuaja, lidhur me deklaratën e bere sot nga Presidenti i Frances, z. Macron, e cila duket madje edhe te jete interpretuar gabimisht, ju njoftojmë se institucionet e Republikes se Kosoves deri më tani nuk kanë pranuar asnje vendim tjeter zyrtar per cështjen e liberalizimit te vizave.
Vendimet per miratim, pezullim apo shtyrje te liberalizimit te vizave merren ne nivel te Bashkimit Evropian, e jo te shteteve anëtare. Procedurat e tilla i kanë afatet e caktuara kohore dhe vendimet merren me shumicën e parapare te votave. Nuk kemi asnje informacion qe nje procedure e tille te jete kërkuar apo nisur lidhur me liberalizimin e vizave per qytetarët e Republikes së Kosoves.
Me respekt,
DKP/MPJD
