Deputeti nga radhët e Partisë Demokratike të Kosovës, Bekim Haxhiu, ka njoftuar se në një vizitë dyditore në Hagë ka zhvilluar takim me ish-krerët e UÇK-së të cilët po mbahen në paraburgim, përcjell InLajmi.
Haxhiu thotë se secili takim me ish-krerët e UÇK-së ishte sa emocionues po aq edhe shpresëdhënës se drejtësia do të fitojë.
Në këtë vizitë, haxhiu ishte i shoqëruar nga Nuredin Lushtaku me të cilin takuan Hashim Thaçin, Kadri Veselin, Jakup Krasniqi, Hysni Gucati, Nasim Haradinaj dhe Sali Mustafa.
Postimi i plotë i tij:
“Bashkë me gjeneralin Nuredin Lushtaku ishim në vizitë dyditore në Hagë te krerët dhe bashkëluftëtarë e UÇK-së. Çdo takim me krerët e UÇK-së është emocionues, domethënës e shpresëdhënës se drejtësia do të triumfojë dhe çlirimtarët do të kthehen fitimtarë në Kosovë”/InLajmi/
