Presidentja e Kosovës, Vjosa Osmani, bëri të ditur se gjatë takimit me 2 senatorët amerikanë, Jeanne Shaheen dhe Peter Welch kanë diskutuar për situatën aktuale në vend, ndërsa ajo ka dhënë detaje për sulmin e 24 shtatorit në veri të vendit, ku mbeti i vrarë rreshteri i Policisë së Kosovës, Afrim Bunjaku, raporton InLajmi.
E para e shtetit theksoi se çdo vizitë e zyrtarëve të lartë amerikan është një dritare e re e bashkëpunimit, ndërsa ka falënderuar senatorët për mbështetjen e vazhdueshme të shtetit tonë.
“Çdo vizitë e zyrtarëve të lartë amerikanë është një dritare e re e bashkëpunimin ndërmjet të 2 vendeve tona. Edhe vizita sot e dy senatorëve është mundësi tjetër. Dua të i’u falënderojmë për mbështetjen ndaj vendit tonë. Takimi ynë u përqendruan në zhvillimet e fundit në Kosovë. Në veçanti në aktin terrorist të organizuar e sponsorizuar nga Serbia. Senatorët i informova për rrjedhjen e ngjarjeve për faktet dhe për hapat që po merren. Por edhe për sfidat ndaj këtij agresioni”, tha presidentja Osmani.
Ajo ka thënë gjithashtu se qëllimi i Serbisë është destabilizimi i Ballkanit.
“Qëllimet dashakeqe të Serbisë kanë për qëllim të destabizojnë tërë Ballkanin. Kosova ka treguar seriozitet, në Serbia jo vetëm që nuk distancohen por ka vendas që atyre t’u jap mbështetje. Mënyra më mirë është që Serbia të mbahet përgjegjëse e që terroristët t’i dorëzohen Kosovës. Republika e Kosvës është përkushtuat të punojë me aleatët amerikan dhe të gjithë të tjerët. Ne do të kërkojmë drejtësi për rreshterin Afrim Bujnakun dhe aktin e agresionit të Serbisë”, deklaroi presidentja Osmani.
