Pas takimit me kryeministrin Albin Kurti, senatorja e Shteteve të Bashkuara, Jeanne Shaheen, gjatë konferencës për media shprehu besimin se Serbia të bashkëpunojë për hetimin e sulmit të 24 shtatorit në veri ndaj Policisë së Kosovës, raporton InLajmi.
Ajo edhe një herë e theksoi se përgjegjësit e sulmit duhet të sillen para drejtësisë.
“Kur dëgjuam për ngjarjet e 24 shtatorit patëm dëshirë që të vijim që të shprehim ngushëllimet për policin e vrarë. Mendoj se është shumë e rëndësishme që përgjegjësit të japin llogari dhe që Serbia të bashkëpunoj në hetimet që po vazhdojnë”, tha Shaheen.
Senatorja theksoi gjithashtu se është momenti që të ketë stabilitet në rajon dhe kjo do të jetë e mundur pasi të ketë një marrëveshje mes Kosovës dhe Serbisë.
“Mendojmë që është kohe e duhur që stabiliteti i këtij rajoni dhe Kosovës nënkupton një lloj marrëveshje me Serbin është koha kur BE dhe ShBA janë të përqendruar në këtë rajon. I pamë javën e kaluar se çka ndodh kur ka urrejtje, konflikte që qytetarët janë ata që humbasin. Nuk duam që të ketë më shumë konflikt siç po e shohim në Ukrainë. SHBA-të qëndrojnë krahë jush, me erdhi mirë që pash rritjen e numrit e ushtarëve të KFOR-i”, tha senatorja amerikane./InLajmi/
