Senatorja amerikane Jeanne Shaheen, tha se përgjegjësit për ngjarjen e 24 shtatorit duhet të japin llogari, duke u shprehur e shqetësuar për atë që ka ndodhur në veri të Kosovës, raporton InLajmi.
Sheheen pas takimit me presidenten Osmani , shprehu shpresën që Serbia do të bashkëpunojë në këtë drejtim.
Ajo theksoi gjithashtu se për paqe afatgjate duhet që të gjendet një zgjidhje ndërmjet Kosovës e Serbisë.
“Kishim planifikuar një udhëtim në rajon. Deshëm të shfrytëzojmë mundësinë që pas ngjarjeve të 24 shtatorit të vijmë këtu dhe t’i shprehim shqetësimet tona. E dimë se është shumë shqetësuese kjo ngjarje për Kosovën. Mendojmë se është e rëndësishme që përgjegjësit për ngjarjet e 24 shtatorit të japin llogari, shpresoj që Serbia do të bashkëpunojë në këtë drejtim”, u shpreh Shaheen.
Sipas saj stabiliteti e paqja afatgjatë duhet vazhduar me mbështetjen e BE-së dhe SHBA-së.
“Kjo na tregon se për stabilitet dhe paqe afatgjate në Kosovë duhet vazhduar me mbështetjen e BE-së dhe SHBA-së në mënyrë që të gjendet një bashkëjetesë afatgjate paqësore me Serbinë”, tha senatorja Shaheen./InLajmi/
