Deputetja e Partisë Demokratike të Kosovës Blerta Deliu-Kodra ka vizituar në Hagë ish-presidentin Hashim Thaçi dhe ish-kryetarin e PDK-së, Kadri Veseli, përcjell InLajmi.
Deliu tha se gjatë takimit me Thaçin dhe Veselin kanë biseduar gjatë e për shumë çështje, por theksi ishte shteti i Kosovës.
Ndërsa ndau pak bisedë me ish institucionalistët, Deliu vuri në pah edhe gëzimin e Thaçit e Veselit për fitoren e Shqipërisë ndaj Çekisë për kualifikimin në gara evropiane.
Krejt në fund ajo përcjell të fala për të gjithë nga Thaçi e Veseli, ndërsa kujton shprehjen “Dielli lind përsëri”
Postimi i plotë i saj:
Mall, emocion dhe krenari! 🙏
Ashtu siç kanë jetuar dhe siç kanë shkuar në Hagë, ashtu i gjeta edhe sot Presidentin Thaçi, Kryetarin Veseli dhe të tjerët, ballëlartë e krenarë.
Biseduam gjatë për gjithçka, e kryesisht për Kosovën. Ishin shumë të lumtur me fitoren e Kosovës dhe Shqipërisë mbrëmë.
Të fala keni të gjithë nga ta: Dielli do të lind përsëri! 🙌/InLajmi/
