Një turiste gjermane ka ndërruar jetë këtë të enjte në Shkodër.
Turistja, bashkë me një shtetas tjetër gjerman po bënte në këmbë kalimin drejt Thethit, pa një guidë.
Ata kanë rrëshqitur në terrenin shumë të ashpër shkëmbor në vendin e quajtur “Shpella e Harapit” në Shalë. 31-vjeçarja ka humbur jetën pasi ka rënë në gërminë. I plagosur ka mbetur edhe partneri i saj, shkruan Top Chanel.
Drejt vendit të ngjarjes, janë nisur banorët e Thethit dhe një grup i policisë. Ky shteg konsiderohet si shume i vështirë nga banorët e Thethit dhe këshillohet të bëhet vetëm nga profesionistë.
