Qeveria e Kosovës ka marr vendim për të ndarë mjete buxhetore për subvencionimin e ndërtimit te shtëpive për komunitetet joshumicë, për realizimin e programit të filluar vite më parë, raporton InLajmi.
Ndërsa foli në pika të shkurta dhe arsyeshmërin e vendimit, kryeministri Albin Kurti tha se ky projekt pati filluar tash e 3 vite nga ish-Ministria e Punës dhe Mirëqenies Sociale.
Ndërsa ministri i Financave, Hekuran Murati, duke paraqitur projektin tha se një pjesë e madhe e shtëpive që kishin nisur të ndërtoheshin kanë mbetur në gjysmë. Tutje Murati, deklaroi se tani këto projekte do t’i vazhdojnë ata.
“Për shkak të problemeve që ka pasur qysh në dizajn të projektit dhe pastaj në mbarëvajtje të punëve, është ndërprerë dhe kemi një situatë të trashëguar e kësisoj një pjesë e madhe e këtyre shtëpive të cilat kanë nisur të ndërtohen kanë mbetur në gjysmë”, tha ai.
Ndërkohë theksoi ministri se mjetet e ndara janë destinim për përfundimin e punëve të mbetura në gjysmë.
“Në mënyrë që të mundësohet përfundimi i punëve, ne kemi marrë parasysh nevojën për të mbështetur pjesën e mbetur që ka qenë e paraparë me kontratë në mënyrë që familjet të kenë mundësi që t’i kryejnë vet këto investime me mbështetjen e Qeverisë”, u shpreh ministri Murati.
