Deputetja e Lidhjes Demokratike të Kosovës, Rrezarta Krasniqi, mungesën e deputetëve të Vetëvendosjes dhe kabinetit qeveritar në seancën e jashtëzakonshme ku pritej shqyrtimi i mbështetjes financiare për policinë e quan turp, përcjell InLajmi.
Krasniqi ,ndërsa e quan pamje turpëruese mungesën e mazhorancës, thekson se shumica parlamentare shpërfilli nevojën për mbështetjen financiare të merituar të Policisë së Kosovës.
Postimi i plotë i saj:
Pamje turpëruese.
Mazhoranca shpërfilli nevojën për mbështetjen financiare të merituar të Policisë së Kosovës.
Për më tepër, ky pushtet i dënon policët me mosmbështetjen e merituar edhe në kohën kur ata sakrifikohen për sigurinë e vendit.
