Presidenti i Republikës së Serbisë, Aleksandar Vuçiq, ka takuar komandantin e Komandës së Forcave të Përbashkëta të NATO-s në Napoli, Admiralin Stuart Mancha, përcjell InLajmi.
Vuçiq tha se me admiralin kanë diskutuar për situatën në përgjithësi me theks situatën në veri, duke e konsideruar situate dramatike e përkeqësim i situatës për komunitetin serb në veri.
Vuçiq e vlerësoi bisedën si të mirë dhe të hapur.
Ai theksoi gjithashtu se me admiralin kanë shkëmbyer mendime për situatën aktuale të sigurisë në rajonet e Ballkanit Perëndimor dhe Lindjes së Mesme.
“Shpreha shqetësimin serioz për përkeqësimin drastik të situatës tashmë të vështirë të komunitetit serb në Kosovë dhe përsërita se Serbia mbështet angazhimin e KFOR-it në zbatimin e rreptë, të plotë dhe të paanshëm të mandatit të bazuar në Rezolutën 1244 të Këshillit të Sigurimit të OKB-së. si dhe që presim që KFOR-i të mbajë një pozicion neutral ndaj statusit dhe të veprojë në mënyrë proaktive për të parandaluar çdo shkelje të situatës së sigurisë në terren”, bëri të ditur presidenti Aleksandër Vuçiq.
